" മയക്കുന്ന മഞ്ജുഭാഷിണികൾ " X-onken Speaker DIY പ്രിയ വായനക്കാരോട്, വായനാസുഖത്തിനും, chapter-wise reference ൻ്റെ സൗകര്യത്തിനുമായി X-onken speaker DIY build  പുതിയൊരു blog address ലേക്ക് മാറ്റിയിരിക്കുന്നു. ഒന്ന് മുതൽ എട്ടു വരെ പ്രത്യേക അധ്യായങ്ങളായി അവിടെ വായിക്കാം. പലരുടെയും ആവശ്യം പരിഗണിച്ചു കൂടിയാണ് ഈ മാറ്റം – സുദീർഘമായ ഒരു പോസ്റ്റ് അടിക്കടി refer ചെയ്യുന്നത് ക്ലേശകരമായിരുന്നു എന്നത് വളരെ ശരിയാണ്. ഈ മാറ്റങ്ങൾ നിങ്ങൾക്കേവർക്കും സൗകര്യപ്രദമായി എന്ന് കരുതട്ടെ. ദയവായി അങ്ങോട്ടേക്ക് പോയാലും : https://diy-spkr.blogspot.com/2024/09/blog-post.html ഇടതുവശത്തെ Archive click ചെയ്താൽ എല്ലാ അധ്യായങ്ങളും ലഭ്യമാവും. https://diy-spkr.blogspot.com/2024/09/ തുടർന്ന് വായിക്കുമല്ലോ. നന്ദി, നമസ്കാരം  * * * * * * * * * * * *

     വളരെ സംഗതമായ ഒരു ചോദ്യം തന്നെ. പക്ഷെ വളരെ ലഘുവായ ചില ഉത്തരങ്ങളല്ലാതെ ഈ വിഷയത്തെ ആരും ആഴത്തിൽ പരിശോധിച്ചതായി എന്റെ അറിവിൽ പെട്ടിട്ടില്ല. Class-A ആമ്പുകളുടെ മാസ്മരിക വലയത്തിൽ പെട്ട് പോയവർക്കും അതിനെ “പെരുത്ത് ഇഷ്ടമാണെ”ന്നല്ലാതെ അതിനെക്കുറിച്ച് വ്യക്തമായ ഒരു “പിടിപാടുണ്ടെന്നു” തോന്നുന്നില്ല. എന്നാൽ അന്തമില്ലാത്ത “ചൂടൻ” ചർച്ചകൾക്ക് ഈ ചോദ്യം വിഷയീഭവിക്കുന്നു എന്നത് വാസ്തവമാണ്. (എവിടെ class-A ഉണ്ടോ, അവിടെ ചൂടും കാണും എന്നതാണല്ലോ സത്യം!) ശബ്ദസൗകുമാര്യത്തെ സ്നേഹിക്കുന്ന ഏതൊരാളും ഇഷ്ടപ്പെടുന്ന ഒന്നാണ് class-A ആമ്പുകൾ. Tube/valve ആയാലും, solid state ആയാലും audiophiles  ൻ്റെ  ഇടയിൽ ഒരു “universal appeal” ഉള്ളത് class-A ആമ്പുകൾക്കു തന്നെയെന്ന് പറയാം. ഇവരിൽ തന്നെ, എത്ര നന്നായാലും ഒരു solid state ആമ്പിനു ഒരിക്കലും ഒരു tube ആമ്പിനോട് കിടപിടിക്കാൻ ആവില്ല എന്ന് ഉറച്ചു വിശ്വസിക്കുന്ന ഹോബിയിസ്റ്റുകളും ധാരാളമുണ്ട്. ഈ വിശ്വാസത്തിന്റെയും, തിരഞ്ഞെടുപ്പിലെ മുൻഗണനയുടെയും അടിസ്ഥാനം ഒരു പിടി കാരണങ്ങളാണ്. ക്രോസ്സോവർ കടമ്പ ലളിതമായ, അടിസ്ഥാനപരമായ, സത്യസന്ധമായ ഒന്നാമത്തെ മറുപടി, crosso...