Class-A  ആംപ്ലിഫയറുകളുടെ  വശ്യത ഒന്നു വേറെ തന്നെയാണ്. അതനുഭവിച്ചു തന്നെ അറിയണമെന്നാണ് എൻ്റെ പക്ഷം. എന്നാൽ മോഹിപ്പിക്കുന്ന പലതിനേയും പോലെ നമ്മെ പ്രതീക്ഷിക്കാത്ത പല “കുനഷ്ടുകളിലും” കൊണ്ട് ചാടിക്കാൻ അതിനുള്ള കഴിവും വേറിട്ടതു തന്നെ. സീതാദേവിയുടെ വാക്കു കേട്ടു സുവർണ മാരീച മാനിനു പിറകെ കുതിച്ച രാമനെപ്പോലെയോ, പെണ്ണിനെ സന്തോഷിപ്പിക്കാൻ സൗഗന്ധികപുഷ്പം തേടി ചാടിപ്പുറപ്പെട്ട ഭീമനെപ്പോലെയോ ഇറങ്ങിപ്പുറപ്പെട്ടാൽ അരിശത്തിനു ചാടിയ കിണറ്റിൽ നിന്ന് കരകേറാൻ വളരെ പണിപ്പെടേണ്ടി വരുമെന്നുറപ്പാണ്. അല്പം തയ്യാറെടുപ്പും, മുൻപേ പോയ മുതിർന്നവരുടെ അനുഭവ സമ്പത്തിൽ നിന്ന് ഉൾക്കൊണ്ട പാഠങ്ങളുമുണ്ടെങ്കിൽ class-A യിലേക്കുള്ള യാത്രയും, ലക്ഷ്യ പ്രാപ്തിയും അതീവ ഹൃദ്യം തന്നെയായിരിക്കും എന്നാണെന്റെ പക്ഷം. വിവിധ ആംപ്ലിഫയർ ക്ലാസ്സുകളുടെ ഗുണഗണങ്ങൾ അല്ല ഇപ്പോൾ നമ്മുടെ വിഷയം – അവയൊക്കെ പഠിച്ചു / പരിഗണിച്ച ശേഷം ഒരു ആമ്പ് build ലേക്ക് കാലു വയ്ക്കുന്ന ഒരു തുടക്കക്കാരനു വേണ്ട കുറച്ചു സൂചകങ്ങൾ ആണ് ഇവിടെ പങ്കുവയ്ക്കുന്നത്. ഈ കുറിപ്പ് പരിപൂർണ്ണമാണെന്നോ, കുറവറ്റതാണെന്നോ അവകാശപ്പെടുന്നില്ല. എന്നിരുന്നാലും ഒരു ഹോബിബിയിസ്റ...

  ഓഡിയോ ചിന്താ ശകലങ്ങൾ   പ്രിയ സുഹൃത്തുക്കളുടെ സ്‌നേഹപൂർണമായ persuasions ആണ് മലയാളത്തിലുള്ള ഈ Blog സാഹസത്തിനു ഇറങ്ങിപ്പുറപ്പെടാൻ എന്നെ ഉന്തി  വിട്ടത്. വന്ദ്യ വയോധികനായ അജിത്കുമാർ സർ മുന്നിലും, തൊട്ടുപിന്നിലായി ദിലീപ് സാറും നിൽക്കുന്നു…എനിക്ക് മറ്റു വഴിയില്ല. ചുറ്റും എന്റെ വ്യക്തിഗത ഗ്രുപ്പിലെ ജോസ്, എബി, ഷിബു, രഞ്ജിത്, ബിജേഷ്, അജി എന്നീ ചെറുപ്പക്കാരും അണിനിരക്കുന്നു. സന്തോഷം!!  എല്ലാവര്ക്കും നമസ്കാരം!! സംഭാഷണങ്ങളിലും , whatsapp ഗ്രുപ്പുകളിലും മറ്റും ഉയർന്നു വന്ന പല സംശയങ്ങളും, ചോദ്യങ്ങളും, ചർച്ചകളും, ഹോബിബിയിസ്റ്റുകൾക്കു ആവശ്യം വേണ്ട പല tips ഉം, guidelines ഉം പൊടിക്കൈകളും മറ്റുമാണ് ഇവിടെ പരാമർശിക്കപ്പെടുന്നത്. പോസ്റ്റ് ചെയ്യുന്ന വിവരങ്ങൾ തികച്ചും സംപൂർണമാണെന്നോ, കുറ്റമറ്റതാണെന്നോ ഒരു അവകാശവാദവും ഇല്ല തന്നെ. എന്റെ എളിയ അറിവിലും, അനുഭവത്തിലുമുള്ള  കുറേക്കാര്യങ്ങൾ നിങ്ങളുടെ ശ്രദ്ധയിലേക്ക് കൊണ്ട് വരുന്നു എന്ന് മാത്രം. അതാർക്കെങ്കിലുമൊക്കെ ഉപകാരപ്രദമായെങ്കിൽ ഞാൻ കൃതാർത്ഥനായി. Whatsapp ഒരു നല്ല കമ്മ്യൂണിക്കേഷൻ മാധ്യമം ആണ്. പക്ഷെ ഇൻഫർമേഷൻ വിന്യസിക്കാനും, അതിലേക്കു ആവശ്യ...